नव बर्ष २०७० सालको शुभकामना !!!

नयाँ बर्ष बिक्रम सम्बत २०७० शुरु हुन लाग्दै छ । हुन त नेपालमा शुरु पनि भईसक्यो । आफु झण्डै ५ घण्टा पछाडी भएकोले मात्रै अझै पनि “Eve” कै मुडमा छु । यतिखेर म अघिल्लो बर्ष २०६९ लाई स्वागत गर्दाको क्षणहरुलाई सम्झदै छु । एक दर्जन साथिहरु मिलेर २०६९ लाई स्वागत गर्न हामी काठमाडौ उपत्यकाबाट नजिकै चिसापानी पदयात्रामा गएका थियौ । दिनभरको थकानलाई वास्ता नगरी नाचगान र मधुपानमा झुमेका थियौ । अहिले यसो सम्झेर ल्याउदा त बढो रमाईलो पो गरिएको रै’छ त ! खै कस्तो खालको मानबिय स्वभाब हो, सम्झनाका पोकाहरु फुकाउदा ति यादहरु असरल्ल भएर अझ बढि रमाईला, आनन्ददायक र रोमाञ्चक पो लाग्ने गर्छन । अरुलाई कस्तो महशुस हुने गर्छ कुन्नि, म भने ति असरल्ल यादहरुलाई हेरे अलि धेरै नै रम्ने गर्छु र फेरि सँगाल्दै पोको पार्ने गर्छु। 

चिया गन्थन

स्थान: सिँहदरबार भित्रको एक चमेना गृह
समय: ११:४५ बजे
मिति:२०६८ चैत्र १ गते

कामकाजको मेसोले केही दिनदेखी सिँहदरबार भित्र आउजाउ चलिरेहको छ मेरो । हिजोको झरीले गर्दा बिहानको घाम पारिलो थियो । आकाश पनि मजाले खुलेको थियो । बिहानको चिया घाम ताप्दै खाउ भन्ने मनशायले सहकर्मि मित्रसँग चिया खान भनी मैले प्रस्ताब गरे अनुरुप त्यता गईएको थियो । चियालाई कुर्दै गर्दा अर्को टेबलमा ४ जना राष्ट्रसेबक कर्मचारीहरु पनि आउनु भयो । शुरुमा त वहाँहरुको आबाज मधुरो थियो । बिस्तारै बढ्दै गयो ।

पहिलो ब्यक्ति: यस्तै हो भने नेपाललाई ईन्डियामा गाभ्दिए हुन्छ ।
(यस्तो कुराले मेरो र सहकर्मि मित्रको ध्यान त्यता खिच्यो )